و أنا شلوني ؟
وابكي على حالي
كيف تبدلت أقداري
كنت انتظر ينتهي يومي
صرت اتساءل عن أمسي
بعيونك كنت أداري أحزاني
وبابتسامتك ارسم أنا حلمي
وبقربك ترتاح روحي
وكان الحلم معك ينقضي عمري
صار الواقع غياب يكتم أنفاسي
شوق وحنين ساكن داخل ضلوعي
وأخبارك غايبة عن نظر عيوني
صار ينتهي يومي
وحالك مختلف عن حالي
والغياب لا هو بشورك ولا شوري
واكتب كل ليلة أنا بوحي
كنت تقول انك البايع الشاري
تبيع الكون وتشتري نوحي
مشتاق ؟! ولا الغياب نساك وجودي
ترى مانسيتك وغيابك أكبر همومي
معقول بيوم تنسى طيوفي؟
معقول بيوم ما تخطر على بالي ؟!
طيب ممكن أسألك عن ظروفي؟!
مشغول ولا تفضي عشاني ؟
ناسية أنا قلبي
بين يدينك يا كوني
وأتساءل كل ليلة
تدري أنا شلوني ؟!
تدري بغيابك عن جروحي ؟!
وصلي كلام يطمني على روحي...
تعليقات
إرسال تعليق